Korrika 15 (Karrantza- Iruñea)

Agurain, 2007/03/20
AEK-k antolatutako Korrika 15a martxoaren 22an abiatuko da Karrantzatik eta martxoaren 27an, asteartea, pasako da Aguraindik. Korrika 16:30ean iritsiko da eta ordu erdi inguru emango du Agurainen. Bertan, alde zaharrari emango dio buelta eta Erdoñana aldera joango da.

	Korrika Agurainen

Agurainen zehar egingo duen ibilbidea hauxe izango da: Adana- Opakuako rotonda- Errege ataria- San Juan plaza- Santa Maria plaza- Sanjorgetik, anbulategira- Errege ataria- Agapitoren etxea- Madura- Madalena- Erdoñanarantz.

Giroa berotzeko, larunbatean, hilak 24, Korrika Kulturala ospatuko da Agurainen: tailerrak, bertsoak, abesbatza, kontzertua, dantza eta herri bazkaria izango dira. Omenaldia ere egingo zaie euskara transmititzen lan egin duen emakume aguraindarrei.
                  Heldu Korrikari!
                  Heldu euskarari!
                  Heldu elkarlanari!
                  Heldu lekukoari!
Korrikaren inguruko ekimen programa.