Baietz eta Aek-k 2007. URTEKO EUSKAL EKIMEN PROGRAMA aurkezten digute

Agurain, 2007/01/21
Aguraingo hainbat herritar eta Aek-ko ikasle zein irakasle biltzen dituen lan talde honek, aurreko urteetako iharduera arrakastatsuari jarraipena eman nahian, programa zabal eta erakargarri bat aukezten digu aguraingo herritarroi.

	Antolatzaileak

Haur, gazte zein helduek parte hartze aktiboa izan dezaten, arlo ezberdinetako ekimenak biltzen ditu aurtengo programak. Badira kultur irteerak, mendi martxak, barnetegiak, tailerrak, lehiaketak eta baita festa eta kontzertuak ere.

Ekimen hauen helburu garrantzitsuena, euskararen erabileraren bitartez, Aguraingo herritarren arteko harremana indartzea da.

2007. URTEKO PLANA

URTARRILA	24an MINTZALAGUNA egitasmoa hasiko da. Honen helburua aek-ko ikasleak, klasetik kanpo, euskaraz aritzeko ohitura hartzea da. 27an EUSKAL JAI EGUNA. Oraindik ere badira salgai bazkaltzeko bonoak (aek-n galdetu). Programa ikusteko egin klick ondoko argazkian.
OTSAILA	17-18an ANTZERKI eta MASAIA TAILERRAK
MARTXOA	4an KORRIKA KULTURALA: GOLOKA, haurrentzako antzerkia. 2-3-4an ASTEBURUKO BARNETEGIA, kostaldean. 23-24-25an KORRIKA KULTURALA. ekitaldiak Agurainen. 27an KORRIKA Agurainera helduko da. 31an TXANGOA MENDIRA (haur eta helduentzat).
APIRILA	Apirilaren hasieran aurtengo LEHIAKETAren aurkezpena. 16tik 22ra Aguraingo EUSKARAREN ASTEA: asteburuan Aguraingo herriari buruzko KULTUR BIRA (arkitektura, arkeologia, historia, etab.)
MAIATZA	Lehenengo asteburuan Iruña-Veleiara txangoa, euskararen lehen aztarnen bila. 13an haur eta helduentzako TXANGOA MENDIRA. 25-26-27an ASTEBURU PASA PIRINEOTAN mendizale amorratuentzat. 26-27an FAMILIA BARNETEGIA kostaldean.
EKAINA	9an AZKEN JAIA eta SARI BANAKETA. 16-17an BIZIKLETA MARTXA Araba Euskaraz-era. 17an ARABA EUSKARAZera autobusez.
IRAILA	23-24an FAMILIA BARNETEGIA.